ज्येष्ठ अभिनेते नाना पाटेकर यांचे वयाच्या ७५ व्या वर्षी गोव्यात निधन; पुण्यात होणार अंत्यसंस्कार!

ताज्या घडामोडी मोबाइल वर मिळवा.फोटो वर क्लिक करा

निर्भय न्यूज लाईव्ह (Nirbhay News Live)

पुणे / गोवा:

भारतीय चित्रपटसृष्टीतील लोकप्रिय आणि दिग्गज अभिनेते नाना पाटेकर यांचे वयाच्या ७५ व्या वर्षी गोव्यात निधन झाले. त्यांच्या निधनाची बातमी समोर येताच संपूर्ण कलाविश्वात आणि त्यांच्या चाहत्यांमध्ये तीव्र शोकाकुल वातावरण पसरले आहे.

विशेष विमानाने पार्थिव पुण्यात आणणार

प्राप्त माहितीनुसार, नाना पाटेकर यांचे कुटुंबीय, त्यांची पत्नी आणि मुलगा दुपारी गोव्यात पोहोचणार आहेत. तेथे सर्व आवश्यक वैद्यकीय प्रक्रिया पूर्ण केल्यानंतर, त्यांचे पार्थिव विशेष विमानाने पुण्यात आणले जाणार आहे.

डोणजे गावातील शेतात होणार अंत्यसंस्कार

नाना पाटेकर यांच्यावर भोर तालुक्यातील डोणजे येथे अंत्यसंस्कार केले जातील. आपले शेवटचे कार्य डोणजे येथील शेतामध्येच व्हावे, अशी त्यांची अंतिम इच्छा होती. त्यांच्या इच्छेनुसारच डोणजे गावातील शेतात त्यांच्यावर अंतिम संस्कार केले जाणार आहेत.

अफाट अभिनय आणि सामाजिक बांधिलकी

नाना पाटेकर यांनी आपल्या दमदार अभिनयाने, खणखणीत संवादफेकीने आणि पात्रांमध्ये जीव ओतण्याच्या अनोख्या शैलीने मराठी व हिंदी चित्रपटसृष्टीवर प्रदीर्घ काळ अधिराज्य गाजवले. ‘परिंदा’, ‘क्रांतीवीर’, ‘अग्निसाक्षी’, ‘तिरंगा’ आणि ‘अपहरण’ यांसारख्या अनेक संस्मरणीय चित्रपटांमधील त्यांच्या भूमिका प्रचंड गाजल्या. ‘क्रांतीवीर’ चित्रपटातील सर्वोत्कृष्ट अभिनयासाठी त्यांना राष्ट्रीय पुरस्काराने सन्मानित करण्यात आले होते. केवळ चित्रपटच नव्हे, तर आपल्या सामाजिक बांधिलकीमुळेही त्यांनी लोकांच्या मनात स्वतंत्र आणि आदराचे स्थान निर्माण केले होते.

नाना पाटेकर यांच्या अचानक निघून जाण्याने भारतीय मनोरंजन विश्वाची कधीही भरून न निघणारी हानी झाली आहे.