शिरूर येथील बाबुराव नगरमधील गंगाविहार सोसायटीत शिवजयंतीचा उत्साह; बालचमूने साकारला शिव-शंभूंचा देदीप्यमान इतिहास..

ताज्या घडामोडी मोबाइल वर मिळवा.फोटो वर क्लिक करा

शिरूर/पुणे: बाबुराव नगर येथील गंगाविहार सोसायटीमध्ये छत्रपती शिवाजी महाराज यांची जयंती अत्यंत उत्साहात आणि ऐतिहासिक वातावरणात साजरी करण्यात आली. या सोहळ्याचे खास वैशिष्ट्य म्हणजे सोसायटीतील लहान मुलांनी छत्रपती शिवाजी महाराज आणि छत्रपती संभाजी महाराज यांचा जाज्वल्य इतिहास आपल्या कलागुणांतून साक्षात व्यासपीठावर उतरवला.

गंगाविहार सोसायटीतील १६८ फ्लॅटमधील सुमारे ५०० रहिवासी या सोहळ्यासाठी एकत्र आले होते. सायंकाळी ६ वाजता कार्यक्रमाला सुरुवात झाली. यावेळी मुलांनी सादर केलेल्या पोवाड्यांनी आणि ऐतिहासिक प्रसंगांच्या सादरीकरणामुळे उपस्थितांच्या अंगावर शहारे आले. ‘जय भवानी, जय शिवाजी’च्या घोषणांनी संपूर्ण परिसर दुमदुमून गेला होता.

सोसायटीच्या वतीने आयोजित हा कार्यक्रम रात्री १० वाजेपर्यंत सुरू होता. आयोजकांनी सांगितले की, “पुढील पिढीला आपल्या थोर राजांचा इतिहास कळावा आणि मुलांमध्ये संस्कार रुजावेत, या उद्देशाने या कार्यक्रमाचे आयोजन करण्यात आले होते.” या यशस्वी आयोजनाबद्दल बाबुराव नगर परिसरात गंगाविहार सोसायटीचे कौतुक होत आहे.

गंगाविहार सोसायटीत शिवजयंतीचा जल्लोष; बालशिवाजी आणि शंभूराजांच्या पराक्रमाने प्रेक्षक मंत्रमुग्ध!